अन्तर्राष्ट्रिय क्रिकेट काउन्सिल (आइसिसी) का अध्यक्ष ग्रेग बार्कले नेपाल भ्रमणमा आएका छन्।
उनी सोमबार भारतबाट नेपाल आएका हुन्। भारतको वुमन्स प्रिमियर लिगको फाइनलपछि उनी सोमबार नेपाल आएका हुन्।
उनलाई त्रिवि विमानस्थलमा नेपाल क्रिकेट संघका पदाधिकारीले स्वागत गरेका थिए।
क्यानले आइसिसीसँगको सम्बन्धलाई बलियो बनाउन र खेलकुदको विकासका लागि थप अवसरहरू खोज्न अध्यक्ष ग्रेगको भ्रमणलाई महत्वपूर्ण कदमको रूपमा लिएको छ।
आइसिसी अध्यक्षले त्रिभुवन विश्वविद्यालय अन्तर्राष्ट्रिय क्रिकेट मैदान र मुलपानी क्रिकेट रंगशालामा निरिक्षण गर्नेछन्। यस्तै उनले प्रधानमन्त्री, अर्थमन्त्री र युवा तथा खेलकुद मन्त्रीलगायत प्रमुख व्यक्तिहरूसँग आधिकारिक बैठकहरू पनि गर्नेछन्।
उनी बिहीबार फर्कनेछन्।
