आयरल्याण्ड वुल्भ्सका पिटर मुर अर्धशतक बनाउन चुकेका छन्।
त्रिवि मैदानमा टस हारेर पहिले ब्याटिङ गरेको आयरल्याण्ड वुल्भ्सका ओपनर पिटर मुर ११ औं ओभरमा ४९ रन बनाएर आउट भएका हुन्।
उनलाई आरिफ शेखले बोल्ड गरेका हुन्।
मुरले ३२ बलमा ४ चौका र तीन छक्का प्रहार गरेर ४९ रन बनाएका थिए।
यसअघि नेपालले दसौं ओभरमा सागर ढकालले विकेट लिएको थियो।
उनले ओभरको अन्तिम बलमा कारमिचेललाई एलबिडब्लु धरापमा पारेका हुन्।
कारमिचेलले २९ बलमा ४ चौका र १ छक्का प्रहार गरी ३८ रन बनाएका थिए।
१४ ओभर सकिँदा आयरल्याण्ड वूल्भ्स १४० रन बनाएर खेलिरहेको छ।
नेपालको प्लेइङ इलाभेनमा विनोद भण्डारी, लोकेश बम, देव खनाल, किरण ठगुन्ना, आरिफ शेख, अर्जुन घर्ती, बसिर अहमद, रसिद खान, सागर ढकाल, कमलसिंह ऐरी र हेमन्त धामी छन्।
