आयरल्याण्ड वुल्भ्सविरूद्ध लोकेश बमले अर्धशतक प्रहार गरेका छन्।
त्रिवि मैदान कीर्तिपुरमा आयरल्याण्ड वुल्भ्सविरूद्ध २२३ रनको लक्ष्य पछ्याएको खेलमा ओपनर बमले ११ औं ओभरको पहिलो बलमा अर्धशतक पूरा गरेका हुन्।
अर्धशतक पूरा गर्ने क्रममा उनले ३७ बलमा ५ चौका र ३ छक्का प्रहार गरे।
१२.१ ओभर चलिरहँदा नेपालले ११८ रन बनाएर खेलिरहेको छ।
लोकेशले ६८ रन बनाएका छन् भने उनीसँग साझेदारी गर्दै आरिफ शेखले १२ बलमा २७ रन बनाएका छन्। उनले ३ छक्का र १ चौका प्रहार गरेका छन्।
यसअघि अर्जुन घर्ती ३ रन र कप्तान विनोद भण्डारी १६ रन बनाएर आउट भएका थिए।
