सिद्धार्थ बैंक नेपाल प्रिमियर लिग (एनपिएल) अन्तर्गत बिहीबारको बिहानको खेलमा पोखरा एभेन्जर्सविरूद्ध विराटनगर किंग्सले टस जितेको छ।
टस जितेको विराटनगरले ब्याटिङ रोजेको छ। अघिल्ला खेलहरूमा टस जित्ने कप्तानले बलिङ रोज्ने गरे पनि विराटनगरका कप्तान सन्दीपले ब्याटिङ रोजेका हुन्।
प्रतियोगितामा दुवै टोली आफ्नो पाँचौ खेल खेल्न लागेका हुन्। दुवै टोलीले यसअघिका चार खेलमा तीन हार र एक जित निकालेका थिए।
विराटनगरले अनिल खरेल र स्कट इडवार्डलाई स्थान दिएको छ। अबिक इल्यास र सुवास भण्डारी बाहिरिएका छन्।
पोखराले म्याट क्रिचलीको स्थानमा जेन मलिकलाई खेलाएको छ। यस्तै दिलीप नाथ र आकाश चन्दको स्थानमा त्रृतराज दास र किरण ठगुन्नालाई खेलाएको छ।
