सिद्धार्थ बैंक नेपाल प्रिमियर लिग (एनपिएल) अन्तर्गत इलिमिनेटरको खेलमा चितवन राइनोजले टस जितेको छ।
कर्णाली याक्सविरूद्धको खेलमा टस जितेको चितवनले फिल्डिङ रोजेको छ।
लिग चरणमा तेस्रो भएको चितवन र चौथो भएको कर्णालीबीच इलिमिनेटरको खेल हुन लागेको हो। यो खेलको विजेता दोस्रो क्वालिफायरमा पुग्नेछ भने पराजित हुने टोली बाहिरिनेछ।
खेलका लागि कर्णालीले एक परिवर्तन गरेको छ। बाबर हायतको स्थानमा भारतका जयकिशन कोल्सवालाले खेल्ने भएका छन्। यस्तै चितवनमा पनि दुई परिवर्तन गरेको छ। दीपक बोहराको स्थानमा शरद भेषवाकार र बसिल हमिदको स्थानमा लुक बेन्केस्टाइनलाई खेलाएको छ।
आजै शीर्ष स्थानको सुदूरपश्चिम रोयल्स र दोस्रो स्थानको जनकपुर बोल्ट्सबीच पहिलो क्वालिफायर हुँदैछ।
यो खेलमा विजेता फाइनदा पुग्दा पराजित हुने टोली दोस्रो क्वालिफायर खेल्नेछ।
