युएसए क्रिकेटले अमेरिकाको चर्चित क्रिकेट लिग मेजर लिग क्रिकेट को सञ्चालक कम्पनी अमेरिकन क्रिकेट इन्टरप्राइजेज (क्रिकेट इन्टरप्राइजेज) सँगको आफ्नो व्यापारिक सम्झौता रद्द गरेको छ।
यसको जवाफमा, क्रिकेट इन्टरप्राइजेज ले यो कदमलाई गैरकानूनी र गलत भनेको छ र आफूले सम्झौताका सबै सर्तहरू पूरा गरेको दाबी गरेको छ।
युएसए क्रिकेटका अनुसार क्रिकेट इन्टरप्राइजेज ले सन् २०१९ मा भएको सम्झौताका महत्त्वपूर्ण सर्तहरू बारम्बार उल्लङ्घन गरेको छ।
आरोपमाआर्थिक प्रतिबद्धता पूरा नगरेको, क्रिकेटको पूर्वाधार विकासमा ध्यान नदिएको, संगठनात्मक र व्यवस्थापकीय जिम्मेवारी पूरा नगरेको लगायतका छन्।
युएसए क्रिकेटले खेलको हितमा नयाँ सर्तहरू सहित छलफलका लागि तयार रहेको पनि बताएको छ।
तर क्रिकेट इन्टरप्राइजेजको प्रतिक्रिया दिँदै आरोप अस्वीकर गरेको छ। क्रिकेट इन्टरप्राइजेजले युएसए क्रिकेटका सबै आरोपहरूलाई अस्वीकार गरेको छ र उल्टै उसैमाथि आरोप लगाएको छ। क्रिकेट इन्टरप्राइजेजका अनुसार उसले सम्झौता अनुसारको सबै आर्थिक दायित्व पूरा मात्र गरेको छैन, बरु युएसए क्रिकेटलाई आर्थिक संकट पर्दा कर्मचारीको तलब तिर्न अग्रिम भुक्तानी समेत दिएको छ।
युएसए क्रिकेटले एकातिर सम्झौता तोड्ने र अर्कोतिर नयाँ सम्झौताको लागि वार्ता गर्न खोज्नु स्वार्थी र राजनीतिक उद्देश्यबाट प्रेरित छ।
क्रिकेट इन्टरप्राइजेजले युएसए क्रिकेटको सम्पूर्ण बोर्डलाई तत्काल राजीनामा दिन माग गरेको छ जुन अन्तर्राष्ट्रिय क्रिकेट काउन्सिल (आईसीसी) को सुझाव पनि हो।
यो विवाद यस्तो समयमा आएको हो जब अन्तर्राष्ट्रिय क्रिकेट काउन्सिल (आईसीसी) र अमेरिकी ओलम्पिक कमिटीले लस एन्जलसमा हुने २०२८ को ओलम्पिकलाई ध्यानमा राख्दै युएसए क्रिकेटको नेतृत्व र संरचनामा सुधार गर्न खोजिरहेका छन्। आईसीसीले गत महिना मात्र युएसए क्रिकेटको बोर्डलाई राजीनामा दिन सुझाव दिएको थियो।
युएसए क्रिकेट र क्रिकेट इन्टरप्राइजेज ले मिलेर २०२३ मा ६ टोलीसहितको मेजर लिग क्रिकेट सुरु गरेका थिए, जुन अमेरिकामा निकै सफल मानिन्छ।
-1746009348.jpg)
