दक्षिण अफ्रिकाविरूद्धको तेस्रो एकदिवसीय खेलमा अस्ट्रेलियाले विस्फोटक ब्याटिङ गरेको छ। यसअघिका दुई खेल गुमाएको अस्ट्रेलियाले घरेलु टोली दक्षिण अफ्रिकाविरूद्ध तेस्रो खेलमा ४३१-२ को सानदार योगफल खडा गरेको छ।
यससँगै तेस्रो खेलमा जिततर्फ उन्मुख बनेको अस्ट्रेलियालाई राहत समेत मिलेको छ। यो योगफलले दक्षिण अफ्रिकालाई सिरिज जित्न रोक्न नसके पनि क्लिनस्विप भने अस्ट्रेलियाले रोकेको छ। खेलमा ४३२ रनको लक्ष्य पछ्याएको दक्षिण अफ्रिका १५५ रनमा अलआउट हुँदा अस्ट्रेलिया २७६ रनले विजयी भयो।
खेलमा मुख्य गरी चार कीर्तिमान बनेका छन्।
खेल पहिलो विकेटका लागि अस्ट्रेलियका ओपनरद्वय ट्राभिस हेड र कप्तान मिचेल मार्सबीच ३४.१ ओभरमा २५० रनको साझेदारी भएको थियो। यो अस्ट्रेलियाको पाँचौ ठूलो ओपनिङ साझेदारी हो।
यस्तै खेलमा अस्ट्रेलियाले २ विकेटको क्षतिमा ४३१ रन जोड्यो। यो अस्ट्रेलियाको एकदिवसीय खेलमा दोस्रो सर्वाधिक स्कोर हो। यसअघि अस्ट्रेलियाले सन् २००६ मा दक्षिण अफ्रिकाविरूद्ध ४ विकेटको क्षतिमा ४३४ रन जोडेको थियो। सो स्कोर उसको अहिलेसम्मकै सर्वाधिक स्कोर हो।
खेलमा अस्ट्रेलियाका सुरूवाती तीन ब्याटरले शतक प्रहार गरे। ट्राभिस हेड (१४२ रन), मिचेल मार्स (१०० रन) र क्यामरन ग्रिन (११८* रन) जोडे। एकदिवसीय खेलमा सुरुवाती तीन ब्याटरले शतक प्रहार गर्ने अस्ट्रेलिया दोस्रो टोली बन्यो। यसअघि दक्षिण अफ्रिकाका सुरुवाती तीन ब्याटरले वेस्ट इन्डिजबिरूद्ध सन् २०१५ मा शतक प्रहार गरेका थिए।
ग्रिनले खेलमा ४७ बलमा शतक पूरा गरेका थिए। उनले अस्ट्रेलियाका लागि दोस्रो छिटो शतक बनाउने कीर्तिमान बनाए।
-1746009348.jpg)
