टोटनह्याम एफए कपको क्वाटरफाइनलमा प्रवेश गरेको छ। फर्नान्डो लोनेन्टेको ह्याट्रिकसँगै रोच्डलमाथि ६–१ गोल अन्तरको फराकिलो जित हात पारी टोटनह्याम क्वाटरफाइनलमा प्रवेश गरेको हो।
घरेलु मैदान विम्बीमा भएको खेलमा टोटनह्यामका लागि फर्नान्डो लोरेन्टेले ह्याट्रिक गोल गरे। त्यस्तै, सोन हेयुङ मिनले २ तथा वाल्कर पिटरले एक गोल गरे। खेलको २३औं मिनेटमा हेयुङले गोल गर्दै टोटनह्यामलाई अग्रता दिलाएका थिए। खेलको ३१औं मिनेटमा स्टेफेन हुम्र्फिसले गोल गर्दै रोच्डललाई बराबरी गोलमा पुर्याएका थिए।
पहिलो हाफमा १–१ गोलको बराबरी खेलेको टोटनह्यामले दोस्रो हाफमा थप ५ गोल गर्न सफल भयो। खेलको ४७, ५३ र ५९ औं मिनेटमा गोल गर्दै लोरेन्टेले ह्याट्रिक पुरा गरेका थिए।
