सहिद स्मारक ए डिभिजन लिगमा थ्रीस्टार क्लब र साविक विजेता मछिन्द्र क्लबले गोलरहित बराबरी खेल्दै अंक बाँडेका छन्।
बुधबार दशरथ रंगशालामा भएको खेल गोलरहित बराबरीमा सकियो।
बराबरीसँगै दोस्रो स्थानको थ्रीस्टारको १२ खेलबाट २२ अंक भएको छ। मछिन्द्र भने १२ खेलबाट १८ अंक जोड्दै छैटौं स्थानमा छ।
यता च्यासल मैदानमा भएको खेलमा सातदोबाटो युथ क्लबले संकटा क्लबलाई ४-० गोलले पराजित गरेको छ।
सातदोबाटोको जितमा विलियम ओपोकुले दशौं र १८औं मिनेटमा गरी दुई गोल गरे।
यस्तै दिपकसिंह ठकुरीले ६८ र ८२ मिनेटमा दुई गोल गरेका थिए।
जितसँगै सातदोबाटो १२ खेलबाट २१ अंक जोड्दै तेस्रो स्थानमा उक्लियो। संकटा १२ खेलबाट १५ अंक जोडेर नवौं स्थानमा छ।
