सहिद स्मारक ए डिभिजन लिगमा फ्रेन्ड्स क्लब र एपिएफले बराबरी खेल्दै अंक बाँडेका छन्।
बिहीबार भएको खेलमा एक एक गोलको बराबरी खेलेका हुन्।
एन्फा कम्प्लेक्स सातदोबाटोमा भएको खेलको २६ मिनेटमा प्रदिप लामाले गोल गर्दै एपिएफलाई अग्रता दिलाए।
फ्रेन्ड्सका रफिक अडिमुले ५२ मिनेटमा बराबरी गोल गर्न सफल भए।
बराबरीसँगै छैटौं स्थानको एपिएफले १३ खेलबाट १८ अंक जोड्यो। फ्रेन्ड्स १५ अंक जोडेर आठौं स्थानमा उक्लियो।
