आर्सनल इंग्लिस प्रिमियर लिगको शीर्ष स्थानमा फेरि उक्लिएको छ। मंगलबार राति भएको खेलमा चेल्सीमाथि ३-१ को जित निकाल्दै आर्सनल शीर्ष स्थानमा फर्किएको हो।
आर्सनलको जितमा ओडेगार्डले १८ र ३१ मिनेटमा गरी दुई गोल गरे। गाब्रियल जेससले ३४ मिनेटमा आर्सनलका लागि तेस्रो गोल गरे।
चेल्सीका लागि माडेएकेले ६५ मिनेटमा गोल फर्काएका थिए।
लिगमा आर्सनल ३४ खेलबाट ७८ अंक जोड्दै शीर्ष स्थानमा उक्लिएको हो। दुई खेल कम खेलेको म्यानचेस्टर सिटी ७६ अंकसहित दोस्रो स्थानमा छ।
चेल्सी भने ३३ खेलबाट ३९ अंक जोडेर १२औं स्थानमा छ। चेल्सी लगातार छैटौं खेलमा पराजित भइसकेको छ।
