सहिद स्मारक ए डिभिजन लिगमा चर्च ब्वाइज युनाइटेड दोस्रो स्थानमा उक्लिएको छ।
चर्च ब्वाइजले बुधबार भएको खेलमा फ्रेन्ड्स क्लबमाथि पुनरागमन जित निकाल्यो।
एक गोलले पछि परेको चर्च ब्वाइज २-१ ले विजयी भयो।
दशरथ रंशगालामा भएको खेलको १४ मिनेटमा बेन क्वाशाको गोलबाट फ्रेन्ड्सले अग्रता लिएको थियो।
८७ मिनेटमा अन्जन विष्टले चर्च ब्वाइजका लागि बराबरी गोल गरे। इन्जुरी टाइमको पहिलो मिनेटमा आशिष चौधरीले गोल गरेपछि चर्च ब्वाइजले जित निकाल्यो।
जितसँगै चर्च ब्वाइज २४ अंक जोड्दै दोस्रो स्थानमा उक्लियो। शीर्ष स्थानको जावलाखेलको पनि २४ अंक नै छ। फ्रेन्ड्स भने १५ अंक जोड्दै १३औं स्थानमा छ।
यता च्यासल मैदानमा भएको खेलमा सातदोबाटोमाथि हिमालयन शेर्पाले १-० गोलको जित निकाल्यो।
शेर्पाको जितमा खमिर गिल्सनले ६५ मिनेटमा गोल गरेका थिए।
जितसँगै शेर्पा १८ अंक जोड्दै आठौं स्थानमा उक्लियो। सातदोबाटो २२ अंकसहित चौथो स्थानमा छ।
