चर्च ब्वाइज क्लब सहिद स्मारक ए डिभिजन लिगको शीर्ष स्थानमा उक्लिएको छ।
शनिबार भएको खेलमा न्युरोड टिम एनआरटीलाई ४-१ गोलले पराजित गर्दै चर्च ब्वाइज शीर्ष स्थानमा उक्लिएको हो।
चर्च ब्वाइजले १५ खेलबाट २७ अंक जोडेको छ। दोस्रो स्थानमा झरेको जावलाखेलको २४ अंक छ।
यता सातदोबाटो र मनाङ मर्स्याङ्दी क्लबले गोलरहित बराबरी खेलेका छन्। सातदोबाटो २३ अंकसहित चौथो स्थनमा छ १९ अंक जोडेको मनाङ आठौं स्थानमा छ।
दिनको अन्तिम खेलमा थ्रीस्टार र फ्रेन्ड्सले पनि गोलरहित बराबरी खेले। तेस्रो स्थानको थ्रीस्टारको २४ अंक छ भने फ्रेन्स १६ अंकसहित १२औं स्थानमा रहेको छ।
