सहिद स्मारक ए डिभिजन लिगमा साविक विजेता मछिन्द्र क्लबले जित हात पारेको छ।
एपिएफमाथि २-१ गोलको जितसँगै मछिन्द्र अंक तालिकाको चौथो स्थानमा उक्लियो।
मछिन्द्रका लागि ओमोलाजाले पहिलो हाफको इन्जुरी टाइम र ओलावाले अफिजले दोस्रो हाफको इन्जुरी टाइममा गोल गरे।
एपिएफका अर्मान्डले ३६ मिनेटमा गोल गर्दै आफ्नो टिमलाई अग्रता दिलाए पनि मछिन्द्रले पछि दुई गोल गरेको हो।
एपिएफ भने अंक तालिकामा १९ अंक जोड्दै नवौं स्थानमा छ।
यता संकटाले त्रिभुवन आर्मीविरुद्धको हार टारेको छ। खेलमा आर्मीले १८ मिनेटमा भरत खवासको गोलबाट अग्रता लियो।
दोस्रो हाफको इन्जुरी टाइममा संकटाका एटरिसले बराबरी गोल फर्काए। अंक तालिकामा आर्मी २१ अंक जोडेर छैटौं स्थानमा रहदा संकटा १७ अंकसहित दशौं स्थानमा छ।
