सहिद स्मारक ए डिभिजन लिगमा चर्च ब्वाइज क्लबलाई त्रिभुवन आर्मी क्लबले पराजित गरेको छ।
दशरथ रंगशालामा भएको खेलमा आर्मीले १-० गोलले पराजित गरेको हो।
आर्मीको जितमा जिलेस्पी कार्कीले ४२ मिनेटमा गोल गरे। जितसँगै आर्मी पाँचौं स्थानमा उक्लियो। आर्मीको २४ अंक भएको छ। अंक तालिकाको दोस्रो स्थानमा रहेको चर्च ब्वाइजको ३० अंक छ।
यता अर्को खेलमा च्यासल मैदानमा थ्रीस्टार क्लबलाई मछिन्द्र क्लबले पराजित गर्यो। मछिन्द्रले १-० गोलले जित निकाल्यो।
मछिन्द्रको जितमा युता सुजुकीले दशौं मिनेटमा गोल गर्यो।
जितसँगै मछिन्द्र २७ अंक जोडेर तेस्रो स्थानमा उक्लियो। थ्रीस्टार भने २५ अंक जोडेर चौथो स्थानमा झर्यो।
