सहिद स्मारक ए डिभिजन लिगमा नेपाल पुलिस क्लबले जित हात पारेको छ।
सुरूवाती चरणमा खराब प्रदर्शन गरेको पुलिस पछिल्ला खेलमा लयमा फर्किएको छ।
पुलिसले बिहीबार दशरथ रंगशालामा भएको खेलमा एनआरटीलाई १-० गोलले पराजित गर्यो।
पुलिसको जितमा मोसेसले खेलको ७६ मिनेटमा गरेको गोल निर्णायक बन्यो।
अंक तालिकाको चौथो स्थानमा रहेको पुलिसले दशौं जितसँगै ३४ अंक जोड्यो। एनआरटी भने २९ अंकसहित नवौं स्थानमा छ।
यता फ्रेन्ड्स क्लब र हिमालयन शेर्पा क्लबले च्यासल मैदानमा गोलरहित बराबरी खेल्दै अंक बाँडेका छन्।
शेर्पा ३० अंक जोडेर छैटौं स्थानमा उक्लिएको छ। अंक तालिकामा फ्रेन्ड्स २५ अंकसहित १३औं स्थानमा छ।
