मनाङ मर्स्याङ्दी क्लब सहिद स्मारक ए डिभिजन लिगको पाँचौ स्थानमा उक्लिएको छ।
बिहीबार अंक तालिकाको पुछारमा रहेको एफसी खुमलटारलाई १-० गोलले पराजित गर्दै मनाङ पाँचौ स्थानमा उक्लिएको हो।
मनाङको जितमा रोशन रानामगरले खेलको अन्त्यतिर गोल गरेका थिए।
उनले दोस्रो हाफको इन्जुरी टाइमको चौथो मिनेटमा गोल गर्दा मनाङले रोमाञ्चक जित मात्र हात पारेन महत्वपूर्ण ३ अंक समेत जोड्न सफल भयो।
जितसँगै मनाङले २३ खेलबाट ३१ अंक जोडेको छ। खुमलटार २४ अंकसहित पुछारमा छ।
योसँगै लिगको २३औं चरणका खेल सकिएका छन्। अब अन्तिम तीन चरणका खेल बाँकी छन्।
