अखिल नेपाल फुटबल संघ (एन्फा) र कतार एयरवेजबीच सन् २०२३ र २०२४ सिजनको सहिद स्मारक ए डिभिजन लिगको मुख्य प्रायोजनका लागि सम्झौता भएको छ।
सम्झौतामा हस्ताक्षरपछि लिगको नाम कतार एयरवेज सहिद स्मारक ए डिभिजन लिग हुने भएको छ।
कतार एयरवेजसँगको साझेदारी अघिल्लो दुई सिजन पनि थियो। तर यो सिनजको लिगको अन्त्यमा मात्र सम्झौता भएको हो।
सिजनको लिग भोलि शनिबार सकिँदैछ।
नयाँ सम्झौताअनुसार २०२३ मा ५० हजार अमेरिकी डलर र २०२४ को सिजनका लागि १ लाख ५० हजार अमेरिकी डलर कतार एयरवेजले एन्फालाई उपलब्ध गराउनेछ।
