स्पेनले युएइएफए नेसन्स लिगको उपाधि जितेको छ।
आइतबार राति भएको उपाधि भिडन्तमा क्रोएसियालाई पेनाल्टी सुटआउटमा पराजित गर्दै स्पेन च्याम्पियन बनेको हो।
निर्धारित र एक्स्ट्रा समयको खेल गोलरहित बराबरीमा सकिएपछि भएको पेनाल्टी सुटआउटमा स्पेन ५-४ गोलले विजयी भयो।
युनाई सिमोनले क्रोएसियाका पेटकोभिकको पेनाल्टी विफल पारेपछि स्पेनका ड्यानी कार्भाजलले निर्णायक पेनाल्टी गोल गरेका थिए।
युरो २०१२ को उपाधिपछि स्पेनले ११ वर्षयता यो पहिलो अन्तर्राष्ट्रिय ट्रफी हो। यता क्रोएसिया पहिलो अन्तर्राष्ट्रिय ट्रफीबाट बञ्चित भएको छ।
