साफ च्याम्पियनसिप फुटबल प्रतियोगितामा पाकिस्तान लगातार दोस्रो खेलमा पराजित भएको छ।
शनिबार भएको समूह ‘ए’ को खेलमा पाकिस्तानलाई आमन्त्रित टिम कुवेतले ४-० गोलको फराकिलो अन्तरले पराजित गर्यो।
कुवेतको जितमा मुबारक अल फनेनीले दुई गोल गरे। उनले खेलको १७ मिनेट र पहिलो हाफको इन्जुरी टाइममा गोल गरेका हुन्।
यस्तै हसन अल इनेजीले दशौं मिनेटमा पहिलो गोल गर्दा अल राशेदीले ६९ मिनेटमा टिमका लागि चौथो गोल गरेका थिए।
यसअघि पाकिस्तान पहिलो खेलमा भारतसँग ४-० गोलले ने पराजित भएको थियो। हारसँगै पाकिस्तान समूह चरणबाटै बाहिरिने खतरा बढेको छ।
यो समूहको अर्को खेलमा आज नेपालले आयोजक भारतसँग खेल्दैछ। नेपालका लागि सेमिफाइनल पुग्न आज भारतलाई हराउनै पर्ने दबाब छ। नेपाल र भारतबीचको खेल साँझ ७:४५ बजे सुरु हुनेछ।
