एन्फा र ए डिभिजन क्लबबीच आइतबार बसेको बैठकले एन्फा यू–१६ लिग जुलाई १५ (असार ३०) बाट सुरु गर्ने निर्णय गरेको हो।
अघिल्लो जुलाई ८ देखि विभिन्न विद्यालयमा परीक्षा हुने भएकाले लिगको नयाँ मिति आइतबार तय भएको हो।
क्लबहरूले जुन २७ सम्ममा आफ्ना टोलीहरू दर्ता गर्नुपर्नेछ भने खेलाडीहरू जुलाई ९ सम्म दर्ता गर्न सकिनेछ। लिगका खेलहरू जुलाई १० मा ड्र हुनेछन्।
खेल शुक्रबार वा शनिबार वा सार्वजनिक बिदामा खेलाइनेछ।
एन्फाले लिगका लागि सहभागी प्रत्येक क्लबलाई तयारीका लागि रु तीन लाख उपलब्ध गराउने छ।
