रोबर्टो फिर्मिनो इंग्लिस क्लब लिभरपुल छोडेर साउदी प्रो लिग क्लब अल-अहलीमा तीन वर्षको सम्झौतामा आबद्ध भएका छन्।
गत सिजनको अन्त्यमा लिभरपुलसँगको सम्झौता सकिएपछि ३१ वर्षीय ब्राजिलियन फरवार्ड फ्री एजेन्ट थिए।
फर्मिनोले सन् २०१५ मा लिभरपुलमा आबद्ध भएपछि ३६२ खेलमा १११ गोल गरेका थिए।
उनी यस सिजन साउदी क्लबहरूले हस्ताक्षर गरेका मध्येका एक चर्चित खेलाडी हुन्। गत साता चेल्सी छोडेपछि अल-अहलीमा सेनेगलका गोलकिपर एडुआर्ड मेन्डी आबद्ध भएका थिए।
यस्तै एनगोलो कान्टे र काउलिबालीले पनि चेल्सी छोडेर साउदी अरब गएका छन्। करिम बेन्जेमा, रुबेन नेभेस र मार्सेलो ब्रोजोभिक साउदी पुगिसकेका छन्।
