नेपाली महिला राष्ट्रिय फुटबल टिमले आज बंगलादेशसँग मैत्रीपूर्ण खेल खेल्दैछ।
बंगलादेशमा हुने खेल नेपाली समयअनुसार साँझ ५;१५ मा हुनेछ।
नेपाली राष्ट्रिय टिम अहिले एसियन गेम्सको तयारीमा छ। चीनमा सेप्टेम्बर-अक्टोबरमा हुने एसियन गेम्सको तयारीका लागि नेपालले मैत्रीपूर्ण खेल खेल्न लागेको हो।
नेपाल र बंगलादेशबीच गत वर्षको साफ च्याम्पियनसिपपछि पहिलो पटक प्रतिस्पर्धा हुन लागेको हो।
साफको फाइनलमा नेपालमाथि बंगलादेशले ३-१ गोलको जित निकाल्दै उपाधि जितेको थियो। नेपाली टिम त्यो हारको बदला लिने दाउमा छ।
अन्तिम टोली
गोलकिपरः अन्जिला तुम्बापो सुब्बा (कप्तान), अञ्जना राना मगर, उषा नाथ
डिफेन्डरः अमृता जैशी, गीता राना, हिरा कुमारी भुजेल, पूजा राना, विमला विक, निशा थोकर, समीक्षा घिमिरे, अन्जली वाइबा
मिडफिल्डरः रेनुका नगरकोटी, सरु लिम्बु, विमला चौधरी, अनिता बस्नेत, प्रीति राई, दीपा शाही
फरवार्डः सावित्रा भण्डारी, अनिता केसी, सबिता राना मगर, रश्मी कुमारी घिसिङ, अमिषा कार्की, रेखा पौडेल
