इंग्ल्यान्डका फरवार्ड मार्कस रासफोर्डले म्यानचेस्टर युनाइटेडमा सन् २०२८ सम्म रहन हप्तामा ३ लाख २५ हजार पाउण्डको नयाँ सम्झौता गरेका छन्।
२५ वर्षीय रासफोर्डको युनाइटेडसँग अघिल्लो सम्झौता २०२४ मा समाप्त हुँदै थियो।
त्यसैले नयाँ सम्झौताका लागि लामो समयदेखि युनाइटेडसँग वार्ता भइरहेको थियो।
स्ट्राइकर रासफोर्डले गत सिजनमा नयाँ प्रशिक्षक एरिक टेन ह्यागको नेतृत्वमा ५६ खेलहरूमा ३० गोल गरेका थिए।
२०१६ मा डेब्यू गरेदेखि रासफोर्डले आफ्नो बाल्यकाल क्लबका लागि ३५९ खेलहरूमा १२३ गोल गरेका छन्।
