फिफा महिला विश्वकपमा अमेरिका र नेदरल्यान्ड्सले एक एक गोलको बराबरी खेल्दै अंक बाँडेका छन्।
बिहीबार भएको खेलमा नेदरल्यान्ड्सले १७ मिनेटमा रोर्डको गोलबाट अग्रता लिएको थियो।
अमेरिकाकी होरानले ६२ मिनेटमा बराबरी गोल फर्काउन सफल भइन्।
समूह ‘ई’ मा अमेरिका र नेदरल्यान्ड्सले अन्तिम खेलअघि चार चार अंक जोडेका छन्।
यसअघि अमेरिकाले पहिलो खेलमा भियतनाम र नेदरल्यान्ड्सले पोर्चुगललाई पराजित गरेका थिए।
