स्पेनिस ला लिगामा शीर्ष स्थानको रियल म्याड्रिड बराबरीमा रोकिएको छ।
आइतबार राति भएको म्याड्रिड डर्बी भिडन्तमा रियललाई एट्लेटिको म्याड्रिडले १-१ गोलको बराबरीमा रोकेको हो।
खेलको २०औं मिनेटमा ब्रहिम डियाजको गोलबाट रियलले खेलमा अग्रता लिएको थियो।
तर दोस्रो हाफको इन्जुरी समयको तेस्रो मिनेटमा मार्कोस लोरेन्टले एट्लेटिकोका लागि बराबरी गोल गर्न सफल भए।
बराबरीपछि अंक तालिकाको शीर्ष स्थानमा रहेको रियलको २३ खेलबाट ५८ अंक छ।
दोस्रो स्थानको जिरोनाको ५६ अंक छ भने बार्सिलोना ५० अंकसहित तेस्रो र एट्लेटिको ४८ अंक जोडेर चौथो स्थानमा छन्।
