इंग्लिस प्रिमियर लिगमा आर्सनलले बर्नलीविरूद्ध सहज जित निकालेको छ।
गएराति भएको खेलमा बर्नलीलाई उसकै मैदानमा आर्सनलले ५-० गोलले पराजित गरेको हो।
आर्सनलको जितमा बुकायो शाकाले दुई गोल गरे।
मार्टिन ओडेगार्डले चौथो मिनेटमै गोल गरेर आर्सनललाई सुरूवाती अग्रता दिलाएका थिए।
त्यसपछि ४१ औं मिनेटमा आर्सनलले पाएको पेनाल्टीलाई बुकायो शाकाले सदुपयोग गरे।
दोस्रो हाफको ४७ औं मिनेटमा फेरि बुकायो शाकाले गोल गरेका थिए।
लिन्द्रो ट्रोसार्डले ६६ औं मिनेटमा र काइ हार्भेत्जले ७८ औं मिनेटमा गोल गरेपछि बर्नली ०-५ गोलले पराजित भएको हो।
जितसँगै आर्सनलले शीर्षस्थानको लिभरपुलसँग दूरी घटाएको छ।
आर्सनलले २५ खेलमा ५५ अंक जोड्दा शीर्षस्थानको लिभरपुलको ५७ अंक छ।
