जर्मन बुन्डेशलिगामा माइन्जमाथि बायर्न म्युनिखले सानदार जित निकालेको छ।
गएराति एलियन्ज एरेनामा बायर्नले माइन्जविरूद्ध ८-१ गोलको सानदार जित निकालेको हो।
बायर्नलाई जित दिलाउने क्रममा ह्यारी केनले ह्याट्रिक गरे। उनले १३ औं मिनेटमा पहिलो गोल गरे। त्यसपछि पहिलो हाफको इन्ज्युरी समयमा थप १ गोल गरे। दोस्रो हाफको ७० औं मिनेटमा गोल गर्दै केनले ह्याट्रिक पूरा गरेका थिए।
त्यस्तै लियोन गोरेत्ज्काले दुई गोल तथा थोमस मुलर, जमल मुसियाला र सर्ज गिनब्रीले एक/एक गोल गरे।
माइन्जका नादियम अमिरिले ३१ औं मिनेटमा गोल गरेका थिए।
जितसँगै अंक तालिकामा रहेको बायर्नको ५७ अंक भएको छ। एक खेल कम खेलेको लिभरकुसेन ६४ अंक जोडेर शीर्षस्थानमा छ। तेस्रो स्थानको स्टुटगार्टको ५३ अंक छ।
