केलियन एमबाप्पेले ह्याट्रिक गर्दा पिएसजीले फ्रेञ्च लिग वानमा मोन्टपिलरलाई ६-२ गोलले पराजित गरेको छ।
एमबाप्पेले खेलको २२, ५५ र ६३ मिनेट गोल गर्दै ह्याट्रिक पूरा गरे। त्यसअघि भिटिन्हाले १४ मिनेटमा गोल गरेका थिए। पिएसजीका लागि लिङकाङले ५३ र नुनो मेन्डेसले ८९ मिनेटमा गोल गरे।
यद्यपी पहिलो हाफमा नोर्डिन र साभानियरले गोल गर्दा मोन्टपिलरले पहिलो हाफमा बराबरी खेल्न सफल भयो। तर दोस्रो हाफमा पिएसजीले चार गोल गर्यो।
लिगमा पिएसजी २६ खेलबाट ५९ अंक जोड्दै शीर्ष स्थ नमा छ। दोस्रो स्थानको ब्रेस्टको ४७ र तेस्रो स्थानको मोनाकोको ४६ अंक छ।
