बागमती प्रदेश खेलकुद विकास परिषद्ले आयोजना गरेको प्रतियोगितासँग समय जुध्दा एन्फा महिला लिग छनोट दुई साताका लागि स्थगित भएको छ ।
परिषदले चैत २५ गतेदेखि वैशाख १ गतेसम्म अन्तर प्रदेश राष्ट्रिय खेलकुद आयोजना गर्ने तयारी गरेको र यस अवधिमा कुनै पनि खेलकुद गतिविधिलाई अतिक्रमण नगर्न अनुरोध गरेको छ ।
छनोट सुरुमा अप्रिल ५ (चैत्र २३) देखि सुर्खेतमा हुने तय भएपनि अब अप्रिल १९, २०२४ (वैशाख ७, २०८१) बाट सुरु हुनेछ।
छनोट प्रतियोगिता कर्णाली प्रदेशको सुर्खेत जिल्लामा हुनेछ, जसमा सातवटै प्रदेशका टिमको सहभागिता रहेको छ ।
यस प्रतियोगिताबाट शीर्ष तीन टोलीले फाइनल लिग चरणमा प्रवेश गर्नेछन्।
लिगअघि सातदोबाटोस्थित एन्फा कम्प्लेक्समा सोमबार फिफा कनेक्ट कार्यशाला आयोजना भएको छ, जसमा सातै प्रदेशका प्रतिनिधि सहभागी थिए।
