एल क्लासिको भिडन्तअन्तर्गत स्पेनिस ला लिगाको खेलमा रियल म्याड्रिडले बार्सिलोनालाई ३-२ गोलले पराजित गरेको छ।
जितसँगै रियलले शीर्ष स्थानमा ११ अंकको अग्रता बनाएको छ।
क्रिस्टियनसनले गोल गर्दै बार्सिलोनालाई अग्रता दिलाए पनि रियलले भिनिसियको पेनाल्टी गोलबाट बराबरी गर्यो।
फर्मिन लोपेजले ६९ मिनेटमा गोल गर्दा बार्सिलोनाले दोस्रो पटक अग्रत लिन सफल भयो।
तर भाज्क्युले ७३ मिनेटमा बराबरी गोल गरे भने बेलिङघमले दोस्रो हाफको इन्जुरी टाइममा अर्को गोल गर्दा रियलले ३-२ को रोमाञ्चक जित निकाल्यो।
अंक तालिकामा रियल ३२ खेलबाट ८१ अंक जोड्दै शीर्ष स्थानमा रहदा दोस्रो स्थानको बार्सिलोनाको ७० अंक छ।
