साफ महिला च्याम्पियनसिप २०२४ अन्तर्गत नेपालको समूहको खेलमा श्रीलंकाले माल्दिभ्सलाई १-० गोलले हराएको छ।
समूह ‘बी’ को खेलमा विजयी सुरुवात गर्ने क्रममा श्रीलंकाकी इमिसाले १७ मिनेटमा गरेको गोल निर्णायक सावित बन्यो।
यो समूहमा नेपालले आजै भुटानसँग खेल्दैछ। त्रिपुरेश्वरस्थित दशरथ रंगशालामा हुने खेल साँझ साढे पाँच बजे सुरु हुनेछ।
प्रतियोगिताको समूह 'ए' मा भारत, पाकिस्तान र बंगलादेश छन्। यो समूहको पहिलो खेलमा बिहीबार भारतले पाकिस्तानलाई ५-२ गोलले हराएको थियो।
