नेपाली राष्ट्रिय महिला फुटबल टोलीकी कप्तान तथा स्ट्राइकर साबित्रा भण्डारी ‘साम्बा’ म्याक्सिम्याक्स एजुकेशन एण्ड माइग्रेसन सर्भिसेसको ब्रान्ड एम्बासडर नियुक्त भएकी छिन्।
साम्बा र म्याक्सिम्याक्सबीच तीन वर्षका लागि मंगलबार सम्झौता भएको हो।
ब्रान्ड एम्बासडर नियुक्त भएपछि साम्बाले यस्ता सम्झौताले नयाँ पुस्तालाई पनि प्रेरणा मिल्ने विश्वास व्यक्त गरिन्।
यो सिजन साम्बाले अस्ट्रेलियाको महिला लिग खेल्दैछिन्। अस्ट्रेलियाको प्रिमियर लिगमा उनले न्युजिल्यान्डको वेलिङटन फोनिक्सबाट खेल्दै नयाँ यात्रा सुरु गर्दैछिन्।
नेपाली राष्ट्रिय टोलीबाट साम्बाले ६० खेलमा ६६ गोल गर्दै कीर्तिमान बनाएकी छिन्।
नेपाल एपिएफ क्लबबाट खेल सुरु गर्नु भएका साम्बाले इन्डियन वुमन्स लिगमा सेथु एफसी, गोकुलम केरलाबाट खेलिसकेकी छिन्। २०२२-२३ मा गोकुलमलाई इन्डियन वुमन्स लिगको उपाधि दिलाउदा १० खेलमा ३१ गोल गर्दै कीर्तिमान बनाएकी थिइन्।
साम्बाले इजरायलको होपोइल रानानाबाट पनि खेलेकि थिइन्। उनी गत वर्ष फ्रान्सको प्रिमियर लिगमा गुइनगाम्पमा आबद्ध थिइन्।
अब अस्ट्रेलियाको लिगबाट नयाँ यात्रा सुरु गर्न लाग्दा उनलाई म्याक्सिम्याक्सले साथ दिएको हो।
अस्ट्रेलियाको मेलबर्नमा मुख्य कार्यालय रहेको म्याक्सिम्याक्स एजुकेशन अस्ट्रेलियामा विभिन्न सामाजिक, सांस्कृतिक र खेलकुद गतिविधिहरूमा सक्रिय रूपमा संलग्न रहेको छ। नेपालमा ललितपुरको कुमारीपाटी, चितवनको पर्सा र पोखराको चिप्लेढुंगामा म्याक्सिम्याक्सका शाखा रहेको छ।
-1746009348.jpg)
