छिमेकी धरानलाई हराउँदै तरहरा मोरङको बयरबनमा जारी पूर्वाञ्चलस्तरीय फुटसल सिक्स ए साइड फुटबलको सेमिफाइनलमा प्रवेश गरेको छ।
कपमा युवा मिलन क्लव तरहरा विजयी भएकाे छ ।
धरान १३ लाई ५ का बिरुद्ध ८ गोल गर्दै युवा मिलन क्लब तरहरा अन्तिम चारमा स्थान पक्का बनाउन सफल भएको हो।
तरहराका लागि सुशील राई एक्लैले ४ गोल गरे। सुशीलले खेलको १८, २२, ४७, ४९ औं मिनेटमा गोल गरेका थिए। योगेश गुरूङले ८ र २८ औं मिनेटमा गोल गरे भने न्यूटन लाम्कादेले १८ औं र बुद्धिमान राईले २९ औं मिनेटमा गोल गरेका थिए।
धरान १३ का लागि सैलेन्द्र नेपालले ह्याट्रिक गरेका थिए। खेलको ४, ७ र ३८ औं मिनेटमा गोल गरेका थिए। थप गोल रबि फुँयालले ३६ र अशोक कटुवालले ४४ औं मिनेटमा गरेपनि हार बाट टार्न सकेनन्।
म्यान अफ द म्याच तरहराका ४ गोल गर्ने सुशील राई भए ।
१२ गते हुने पहिलो सेमिफाईनल खेल उर्लाबारी ट्रेनिङ सेन्टर उर्लाबारी र धरान फुटवल क्लव सुनसरीबिच हुनेछ।
बयरबन युवा जमातको आयोजनामा सुरू भएको खेल कात्तिक १५ सम्म संचालन हुनेछ।
जनता आधारभुत विद्यालय कानेपोखरी ४ बयरबनको खुल्ला खेल मैदानमा भइरहेको खेलको विजेताले नगद ५० हजार, ट्रफि र प्रमाण पत्र प्राप्त गर्ने छन् भने उपविजेताले ३० हजार, ट्रफि र प्रमाण पत्र प्राप्त गर्ने छन्।
-1746009348.jpg)
