सौरभ चौधरी लिखित तथा निर्देशित फिल्म 'द अन ब्रेकेबल अगस्त्यः च्याप्टर १' को प्रदर्शन मिति घोषणा गरिएको छ।
सोमबार दुई पोस्टर सार्वजनिक गर्दै फिल्मको प्रदर्शन मिति घोषणा गरिएको हो। यो फिल्म फागुन १८ गतेदेखि प्रदर्शन हुने भएको छ।
पोस्टरमा सौगात मल्ललाई 'सौर्य' पात्रको रूपमा चित्रित गरिएको छ। एक पोस्टरमा सौगातको कसिलो शरीर देख्न सकिन्छ भने अर्को पोस्टरमा उनी गोरखपुरको रेलवे अगाडि हिडिरहेको देख्न सकिन्छ। यस फिल्मका लागि अभिनेता सौगात मल्लले २० केजी तौल घटाएका थिए।
फिल्ममा सौगातसँगै नाजिर हुसेन, मलिका महत, प्रमोद अग्रहरि, विजय बराल, रविन्द्र झालगायत कलाकारको अभिनय छ। फिल्मलाई संजय लामाले छायांकन गरेका हुन्।
डार्क हर्स इन्टरटेन्मेन्ट र सेभेन सिज इन्टरटेन्मेन्टको प्रस्तुतिमा तयार भएको फिल्ममा प्रकाश मल्ल, अनिष तामाङ र विनोद पौडेलको लगानी छ। फिल्मका कार्यकारी निर्माता विश्व गौचन र अभिषेक चौधरी हुन्। फिल्मलाई नेपालभर डिसिएनले वितरण गर्नेछ।
