अर्जुन सुवेदीले निर्देशन गरेको फिल्म 'रंगेली' को पोस्टर सार्वजनिक भएको छ।
बिहीबार फिल्मको दुई पोस्टर सार्वजनिक गरिएको हो। सार्वजनिक एक पोस्टरमा अभिनेता दयाहाङ राई र अभिनेत्री मिरूना मगरलाई रोमान्टिक अवतारमा प्रस्तुत गरिएको छ भने दोस्रो पोस्टरमा अभिनेता दयाहाङ राई र अर्पण थापालाई प्रस्तुत गरिएको छ।
सुवेदीकै लेखन रहेको फिल्ममा मिरूना मगर, दयाहाङ राई, अर्पण थापा, प्रविण खतिवडा, रमेश बुढाथोकीलगायत कलाकारको अभिनय छ। फिल्मलाई सुशन प्रजापतिले छायांकन गरेका छन्।
संसार चौलागाईं र रमेश भट्टराई निर्माता रहेको फिल्ममा युवक कार्की र शिव शंकर चौलागाईं सह-निर्माता छन्। फिल्मका कार्यकारी निर्माता जितेन्द्र खतिवडा र अनुजजंग थापा हुन्।
यो फिल्म अस्ट्रेलिया र अमेरिकामा प्रिमियर हुने बताइएको छ। जापान, कोरिया र हङकङमा उज्ज्वल गुरागाईं र युएनए इन्टरटेन्मेन्ट, अमेरिकामा एक्का बास्सा इन्टरटेन्मेन्ट र लाइभ एट प्रिजेन्ट तथा अस्ट्रेलियामा हट बिट्स इभेन्टसले फिल्म रिलिज गर्दैछन्।
यो फिल्म फागुन २५ गतेदेखि रिलिज हुनेछ।
