नेपाली वृत्तचित्र 'ढोरपाटन' फिल्म हलमा प्रदर्शन हुने भएको छ।
युरोप र एसियाका फिल्म फेस्टिभलमा 'नो विन्टर होलिडेज्' को नामले चिनिएको यो डकुमेन्ट्री सिडिसी सिनेमाजमा पुस २७ गतेदेखि हरेक साँझ ५ बजे प्रदर्शन हुनेछ।
यस फिल्मको वर्ल्ड प्रिमियर बेलायतको शेफिल्ड डकफेष्टमा २०८० मा भएको थियो। यसैवर्ष कोरियामा प्रिमियर गरिएको वृत्तचित्र तिहारअघि भारतको हिमाचल प्रदेशको धरमशालामा आयोजित धरमशाला अन्तर्राष्ट्रिय चलचित्र महोत्सवमा 'ढोरपाटन' देखाइएको थियो।
हालै काजाक्सतानमा आयोजित प्रथम अलटरनेटिभा फिल्म अवार्डमा, जुरीका अनुसार 'सांस्कृतिक महत्त्व बोकेकाले' यो 'नेटिभा' श्रेणीमा पुरस्कृत भएको थियो।
साल्पा फिल्म्सले निर्माण गरेको वृत्तचित्रले नेपाल अन्तराष्ट्रिय मानव अधिकार चलचित्र महोत्सवमा 'सर्वोत्कृष्ट वृत्तचित्र' को उपाधि जितेको थियो।
