राजन भुषालले निर्देशन गर्न लागेको फिल्म 'एक्टर' मा अभिनेत्री आना शर्मा अनुबन्धित भएकी छन्।
बुधबार निर्माण टिम र आनाबीच फिल्मका लागि कागजी सम्झौता भएको हो। यसअघि फिल्ममा अभिनेता प्रदीप खड्का अनुबन्धित भइसकेका छन्। आना र प्रदीप पहिलो पटक एकसाथ काम गर्दैछन्।
फिल्म 'एक्टर' लाई लिएर आफू निकै उत्साहित रहेको अभिनेत्री आनाले बताइन्।
थमनकुमार भण्डारीको लगानी रहने फिल्ममा रित बोहरा सहायक निर्देशकको रूपमा रहेका छन्। अदृत फिल्म्सको प्रस्तुतिमा निर्माण हुन लागेको फिल्मको सह-निर्मातामा एनिस भुषाल छन्।
यो फिल्मको छायांकन केही महिनामा नै सुरू हुनेछ। फिल्मलाई नरेन्द्र मैनालीले छायांकन गर्नेछन्। यो फिल्म सन् २०२५ मा रिलिज गर्ने निर्माण टिमको तयारी छ।
