आज शुक्रबारदेखि हलमा दुई नेपाली फिल्म र दुई विदेशी फिल्म प्रदर्शनमा आएका छन्।
नेपाली फिल्मतर्फ 'चित्रा' र 'पर्खी बसें तिमीलाई' प्रदर्शन हुँदा विदेशी फिल्मतर्फ 'क्याप्टेन मिलर' र 'मेरी क्रिसमस' प्रदर्शनमा आएका हुन्।
दीपक श्रेष्ठ निर्देशित फिल्म 'पर्खी बसें तिमीलाई' मा किरण श्रेष्ठ, रक्षा बुढाथोकी, अनिशा रसाइली, शिव श्रेष्ठ, विल्सन विक्रम राई, सुनिता श्रेष्ठलगायत कलाकारको अभिनय छ।
राजाराम बुढाथोकी निर्माता रहेको फिल्ममा कोमल गुरुङ सह-निर्माता छन्।
घनश्याम लामिछाने निर्देशित फिल्म 'चित्रा' मा सन्तोष अधिकारी, शुभेच्छा खड्का, अर्पण थापा, प्रमोद अग्रहरि, मेनुका प्रधान, अन्जना बराइली, सिम्रन खड्का, आयुशी ढकाल, विनोद पौडेल, कपिल शर्मा, कुमार गुरुङ, उज्ज्वल ढकाल, दिपेश गजुरेल, प्रकाश घिमिरेलगायत कलाकारको अभिनय छ। यही फिल्मबाट सन्तोष अधिकारीले अभिनयमा डेब्यू गर्दैछन्।
फिल्मका निर्माता आशिष थापा मगर हुन् भने सन्तोष आफैं कार्यकारी निर्मातामा छन्। फिल्ममा बाबु र छोरीको कथासँगै पारिवारिक विषय र द्वन्द्व देख्न सकिन्छ।
श्रीराम राघवन निर्देशित फिल्म 'मेरी क्रिसमस' मा कट्रीना कैफ, विजय सेतुपति र राधिका अप्टेको मुख्य भूमिका छ। फिल्म उनीहरूले पहिलोपटक एकसाथ काम गरेका हुन्।
अरूण माथेश्वरनले निर्देशन गरेको फिल्म 'क्याप्टेन मिलर' मा धनुष, प्रियंका अरूल मोहन, शिवराज कुमार, निवेदिता सतीश, विनायकन, सन्दीप किशनलगायत कलाकारको अभिनय छ।
'चित्रा' को ट्रेलर:
'पर्खी बसें तिमीलाई' को ट्रेलर:
'क्याप्टेन मिलर' को ट्रेलर:
'मेरी क्रिसमस' को ट्रेलर:
