सन् २००७ मा फिल्म 'पर्खि बसेँ' बाट अभिनयको सुरूवात गरेका अभिनेता राजबल्लभ कोइरालाले 'एक्टर' मा अभिनय गर्ने भएका छन्।
उनी अमेरिका पुगेपछि फिल्म क्षेत्रबाट टाढिएका थिए। पछिल्लो समय 'हाइवे टु धम्पुस' मा देखिएका उनी फिल्म 'एक्टर' मार्फत कमब्याक गर्दैछन्। शुक्रबार निर्माण टिमले एक पोस्टर सार्वजनिक गर्दै उक्त जानकारी दिएका हुन्। यसअघि फिल्ममा अभिनेता प्रदीप खड्का र आना शर्मा अनुबन्धित भइसकेका छन्।
राजन भुषालले निर्देशन गर्न लागेको फिल्ममा थमनकुमार भण्डारीको लगानी रहने छ।
अदृत फिल्म्सको प्रस्तुतिमा निर्माण हुन लागेको फिल्मको सह-निर्मातामा एनिस भुषाल र सार्थक केसी छन्। फिल्ममा पोस्टर डिजाइन र पब्लिसिटी डिजाइन ट्राइडेन्ट कन्सेप्टको रहेको छ।
यो फिल्मको छायांकन केही महिनामा नै सुरू हुनेछ। फिल्मलाई सन् २०२५ भित्र रिलिज गर्ने तयारीमा निर्माण टिमको छ। फिल्मलाई नरेन्द्र मैनालीले छायांकन गर्नेछन्।
