सौरभ चौधरी लिखित तथा निर्देशित फिल्म 'द अन ब्रेकेबल अगस्त्यः च्याप्टर १' को पोस्टर सार्वजनिक गरिएको छ।
सोमबार सार्वजनिक गरिएको पोस्टरमा अभिनेत्री मलिका महतलाई अवतारमा प्रस्तुत गरिएको छ। उनलाई 'चाँदनी' पात्रको भूमिकामा देख्न सकिन्छ।
यसअघि फिल्मका अभिनेता सौगात मल्ल र नाजिर हुसेनको पोस्टर सार्वजनिक गरिएको थियो।
फिल्ममा मलिकासँगै सौगात मल्ल, नाजिर हुसेन, प्रमोद अग्रहरि, विजय बराल, रविन्द्र झालगायत कलाकारको अभिनय छ। फिल्मलाई संजय लामाले छायांकन गरेका हुन्।
डार्क हर्स इन्टरटेन्मेन्ट र सेभेन सिज इन्टरटेन्मेन्टको प्रस्तुतिमा तयार भएको फिल्ममा प्रकाश मल्ल, अनिष तामाङ र विनोद पौडेलको लगानी छ। फिल्मका कार्यकारी निर्माता विश्व गौचन र अभिषेक चौधरी हुन्। फिल्मलाई नेपालभर डिसिएनले वितरण गर्नेछ।
यो फिल्म फागुन १८ गतेदेखि प्रदर्शन हुनेछ।
