माघको २६ गतेबाट रिलिजमा आउन लागेको फिल्म ‘हात्तीछाप’ को ट्रेलर सार्वजनिक भएको छ। सिमोस सुनुवारले निर्देशन गरेको यो फिल्मको ट्रेलर बुधबार सार्वजनिक भएको हो।
ट्रेलर अनुसार फिल्ममा कमेडी, मित्रता, प्रेम र सामाजिक कथावस्तुलाई समेटिएको छ। प्रदीप भारद्वाजको लेखनमा तयार भएको फिल्ममा सुशन प्रजापतिको छायांकन, निमेष श्रेष्ठको सम्पादन छ। देव महर्जनको एक्सन, आर्टमान्डुको संगीत, रामजी लामिछानेको कोरियोग्राफी छ।
फिल्मका प्रोडक्सन हेड सुरज आचार्य छन्। पुष्कर गुरुङ, अमला देवी राई र जय श्रेष्ठको निर्माता रहेको फिल्मका कार्यकारी निर्माता सरोज नेपाली हुन्।
रेड बर्ड प्रोडक्सनको ब्यानरमा यो फिल्म निर्माण भएको छ।
फिल्ममा दयाहाङ राई, सौगात मल्ल, उपासना सिंह ठकुरी, बेनिशा हमाल, बुद्धि तामाङ, विजय बराल, कमलमणि नेपाल, पुष्कर गुरूङ, कविता आले, विल्सन विक्रम राई, विनोद न्यौपाने, भोलाराज सापकोटा, सुष्मा निरौला, रेयर राई, विशाल पहारी, सविन बास्तोला लगायत कलाकारको अभिनय छ।
