अभिनेता सलिनमान बानियाँ 'युनिभर्सिटी अफ गुण्डाज' बाट अभिनयमा फर्किदैछन्। उनले ५ वर्षअघि फिल्म 'यात्राः अ म्युजिकल भ्लग' मा अभिनय गरेका थिए।
मंगलबार फिल्मको एक पोस्टर सार्वजनिक गर्दै निर्माण घोषणा गरिएको छ। सार्वजनिक पोस्टरमा अभिनेता सलिन र सलोन बस्नेतलाई एक्सन मुडमा देख्न सकिन्छ।
फिल्मको मुख्य भूमिकामा अभिनेता सलोन बस्नेत पनि अनुबन्धित भइसकेका छन्। यो फिल्म सलोनको होम प्रोडक्सन सलोन-सलिना फिल्म्स ब्यानरमा निर्माण हुनेछ। सलोन र सलिनमानले 'ए मेरो हजुर २' र 'यात्रा' पछि तेस्रो पटक एकसाथ स्क्रिन सेयर गर्न लागेका हुन्।
यो फिल्म आगामी वर्षबाट छायांकनमा जानेछ। फिल्मको बजेट ४ करोड रहेको निर्माण टिमले जानकारी दिएको छ। फिल्मको निर्देशक, प्राविधिक लगायतको जानकारी बिस्तारै सार्वजनिक गर्दै जाने तयारी निर्माण टिमको छ।
