भारतीय निर्देशक सञ्जय लीला भन्सालीको वेब सिरिज 'हीरामन्डी: द डाइमण्ड बजार' को फर्स्ट लुक सार्वजनिक भएको छ।
निर्माण टिमले फिल्मका अभिनेत्रीहरूको फर्स्ट लुक भिडिओ सार्वजनिक गरेका हुन्। सार्वजनिक भिडिओमा मनिषा कोइराला, अदिती राव हैदरी, ऋचा चढ्ढा, सोनाक्षी सिन्हा, सञ्जीदा शेख, शर्मिन सहगललाई परम्परागत शाही पोशाकमा प्रस्तुत गरिएको छ।
भन्साली निर्देशित फिल्म 'गंगुबाई काठियावाडी' ले बक्स अफिसमा राम्रो व्यापार गरेको थियो। यो फिल्म सन् १९६० को दशकमा मुम्बई कमाठीपुरामा एउटा 'वेश्यालय' चलाउने गंगूबाईको जीवनीमा आधारित थियो।
वेब सिरिज 'हीरामन्डी' पनि 'वेश्यालय' चलाउने रानीहरूको कथामा आधारित छ। फिल्मसिटीमा 'गंगुबाई काठियावाडी' को सेट जहाँ बनाइएको थियो, त्यही नै 'हीरामन्डी' को सेट बनाइएको हो।
यो सिरिज नेटफ्लिक्समा प्रदर्शन हुनेछ। तर निर्माण टिमले प्रदर्शन मिति सार्वजनिक गरेका छैनन्।
