सुस्केरा आर्टसको निर्माण तथा प्रस्तुति रहेको फिल्म 'जिग्री' को ट्रेलर सार्वजनिक गरिएको छ।
आइतबार ओएसआर डिजिटल युट्युब च्यानलमार्फत फिल्मको ट्रेलर सार्वजनिक गरिएको हो। सार्वजनिक ट्रेलरमा पैसाको चक्कर र दुई युवाले जीवनमा भोग्नु पर्ने उल्झनलाई रमाइलो ढंगले प्रस्तुत गरिएको छ।
कमेडी-क्राइम-एक्सन-ड्रामाको मिश्रण रहेको फिल्मलाई आकाश मगरले निर्देशन गरेका हुन्। फिल्ममा अभयराज बराल, आकाश मगर, सुशीलराज पाण्डे, पशुपति राई, सुप्रिया राना, रोशन सुवेदी, जीवन बराल, वासुदेव खनाल, नवीन लम्साल, केदार श्रेष्ठ, दिवाकर घिमिरे, सुशिला लक्ष्मी महर्जन, मनिष व्याञ्जु, स्नेहा रसाइली, अर्जुन पौडेल, शंकर भण्डारीलगायत कलाकारको अभिनय छ।
फिल्ममा अनेक महत्वकांक्षा बोकेर काठमाडौं आएका दुई युवाहरूको कथा समेटिएको छ। फिल्मका कार्यकारी निर्माता कुसुम थापा मगर र निर्माता कुमार श्रेष्ठ रहेका छन्।
सुमित भट्ट र सोमित माझीले छायांकन गरेको फिल्मलाई सरून मानन्धरले सम्पादन गरेका छन्। फिल्ममा ध्वनि परिकल्पना र मिश्रण किशोर आचार्य, प्रोडक्सन डिजाइन आकी थेक्पा, संगीत सुवास पौडेल र भास्कर स्वाँर, कास्टिङ निर्देशक केदार श्रेष्ठ र भिएफएक्स लुज राजभण्डारीको रहेको छ। फिल्मलाई सुस्केरा आर्टसले वितरण गर्नेछ।
यो फिल्म फागुन ४ गतेदेखि प्रदर्शन हुँदैछ।
