सविर श्रेष्ठको निर्देशनमा नयाँ फिल्मको घोषणा गरिएको छ। उनले 'रूखान' फिल्म निर्देशन गर्न लागेका हुन्।
सोमबार फिल्मको एक पोस्टर सार्वजनिक गर्दै फिल्मकोे औपचारिक निर्माण घोषणा गरिएको हो। सार्वजनिक फर्स्टलुकमा एक जना महिला न्यायका लागि मुठ्ठी कसेर बिद्रोहमा उत्रिएको देखिन्छ। यस्तै मुखमा अक्सिजन लगाएर उपाचार गराइरहेका एक यूवालाई पनि पोस्टरमा देखाइएको छ।
फिल्मको कलाकार र प्राविधिक केही समयपछि सार्वजनिक गरिने बताइएको छ। फिल्मलाई नेपाली, अंग्रेजी, हिन्दी र भोजपुरी गरी ४ भाषामा निर्माण गरिने छ।
कृष्ण थापा र सुरेश गुरुङको निर्माणमा बन्ने फिल्ममा रूपक घिमिरेको कथा रहेको छ। फिल्मका कार्यकारी निर्माता नायक सविन श्रेष्ठ हुन्। फिल्ममा अर्जुन पोखरेलको संगीत, अभिमन्यू निरवीको पटकथा तथा संवाद रहनेछ।
यो फिल्म सविन फिल्म्स, भिक्टोरी प्रोडक्शन हाउस प्रालि र काइट्स इन्टरटेन्मेन्टको ब्यानरमा निर्माण हुन लागेको हो। फिल्म निर्माणमा आवरण स्किन एण्ड हेयर क्लिनिकले पनि सहकार्य गरेको छ।
