राष्ट्रवादी धारमा निर्माण गरिएको फिल्म 'काँडेतार' को ट्रेलर सार्वजनिक गरिएको छ।
मंगलबार ओएसआर डिजिटल युट्युब च्यानलमार्फत ट्रेलर सार्वजनिक गरिएको हो। अभिनेता नवल खड्काकै निर्देशन एवं शिवम अधिकारी र नवल खड्काको लेखन रहेको काँडेतार सामना फिल्म्स प्रालिको ब्यानरमा निर्माण गरिएको हो।
फिल्ममा नवल खड्का, गौरव पहारी, रेविका गुरूङ, सुरविना कार्की मुरलीधर, प्रेम सुब्बा, परशुराम चौधरी, संजय खतिवडा, राजेन्द्र भगत, पन्नालाल सिकदार, प्रकाश गिरी र बाल कलाकारमा नादिया खड्का र सनया खड्कालगायत कलाकारको अभिनय छ।
सौरभ लामाले छायांकन गरेको फिल्मलाई बन्देप्रसाद र तारा थापा 'किम्भे' ले सम्पादन गरेका छन्।
नवल खड्का, माकिको राई र अञ्जु केसीको निर्माण रहेको फिल्मको कार्यकारी निर्माता सत्यकला राई हुन्।
यो फिल्म फागुन २५ गतेदेखि प्रदर्शन हुँदैछ।
