गायक दिनेश श्रेष्ठ र गायिका रचना रिमालको आवाजमा रहेको 'लौननी' बोलको गीत रिलिज भएको छ।
गीतमा रूपेश दानीको शब्द छ भने संगीत गायक दिनेश श्रेष्ठको रहेको छ। भिडिओमा रूपेश दानी क्षेत्री र मोडल करिश्मा ढकालको अभिनय रहेको छ।
विनोद बमले सम्पादन गरेको भिडिओलाई मुकेश हुमागाईंले खिचेका हुन्। यसका साथै भिडिओलाई अमन रानाले निर्देशन तथा कोरियोग्राफी गरेका हुन्।
उक्त भिडिओ दिनेश श्रेष्ठको युट्युब च्यानलमा रिलिज गरिएको निर्माण पक्षले जानकारी दिएको छ।
दिनेशका बरै, उलुलु,गैरी पिपल, सुपर गाडी, रानी हजुर, ए परदेशी लगायत दजनौं गीत लोकप्रिय छन्।
