अभिनेता विराज भट्टको फिल्म '१२ गाउँ' मा कनिज कोइराला अनुबन्धित भएका छन्।
कनिजले बलिउड फिल्म 'साहो' मा अभिनय गरेका थिए। योसँगै उनले दक्षिण भारतीय फिल्म 'गोडाचरी' मा समेत अभिनय गरिसकेका छन्। उनी 'इन्टरनेशनल म्यानहन्ट नेपाल- २००९' सँगै पहिलो नेपली ग्ल्याडरक्स मोडलसमेत हुन्।
कनिज र विराजले भोजपुरी फिल्म 'वध' मा सहकार्य गरेका छन्। अब उनीहरूले '१२ गाउँ' मा सहकार्य गर्ने लागेका हुन्। केही दिनअघि फिल्ममा मिस नेपाल इन्टरनेशनल- २०२२ न्यान्सी खड्कालाई अनुबन्ध गरिएको थियो।
यो फिल्म चैतको दोस्रो साताबाट छायांकनमा जाने तयारीमा रहेको बताइएको छ। फिल्मलाई अभिनेता विराज भट्टले निर्देशन गर्नेछन्।
यसै फिल्मबाट विराज भट्टका छोरा समीर भट्ट डेब्यू गर्दैछन्। सन्तोष सरकारको कथा तथा पटकथामा अभिनेता विराज प्रमुख भूमिकामा देखिनेछन्।
'१२ गाउँ' मा विराजको होमप्रोडक्सन कम्पनी विराज भट्ट फिल्म प्रोडक्सन कम्पनीको ब्यानरमा तयार हुनेछ।
