अभिनेता प्रदीप खड्का नयाँ फिल्ममा अनुबन्धित भएका छन्।
उनी प्रदीप शाहीले निर्देशन गर्न लागेको फिल्ममा अनुबन्ध भएका हुन्। शनिबार निर्माण टिम र प्रदीपबीच औपचारिक सम्झौता भएको हो।
यो फिल्मको नाम जुराइएको छैन। फिल्मको कथा निर्देशक शाहीले लेखेका हुन्।
साइ/फाई जोम्बी थ्रिलर जनरामा निर्माण हुने फिल्मको अन्य कलाकार तथा प्राविधिक फाइनल हुन बाँकी रहेको कार्यकारी निर्माता विनोद सुवेदी खत्री 'क्षितिज' ले बताए। फिल्ममा मिथिकल इलेमेन्टहरू पनि रहेको निर्देशक शाहीले जानकारी दिए।
प्रदीप शाहीको निर्देशनमा बनेको पहिलो फिल्म 'गोर्खा: बिनिथ द ब्रेभरी' ले अमेजोन प्राइममा राम्रो दर्शक पाउन सफल बनेको थियो। उनले फिल्म 'अन्तिम संस्कार' पनि निर्देशन गरेका थिए।
